?كاملة ? جميع الفصول ?(من الفصل الأول إلى الأخير) كاملة ستعجبكم
صحيت تاني يوم مكنش موجود في الاوضه
غيرت هدومي ونزلت
كان قاعد مع تيم بيضحك معاه
بيضحك!!! مرااد بيضحك مع طفل
قربت منهم بصدمه
-احم صباح الخير
رد تيم بس
=صباح الخير يا وتين
قربت من تيم وبستوا وقعدت مكاني النحيه التانيه
فطرنا وهو لحد دلوقتي مكلمنيش ولا كلمه كان كل كلاموا ل تيم عن مدرستوا الجديده
_يلا يا بطل خلصت اكل
=ااه
-وانا كمان خلصت
بصلي من تحت لفوق كدا وبص علي هدوم الخروج اللي لبساها وقال
_ليه انت رايحه فين
رديت بخوف
-الكليه
_مفيش خروج لا لكليه او لغيروا
قالها ببرود شديد وكان ماشي وسايبني وتيم كان خرج للعربيه
اكلمت بغيظ
-تمام يا مراد هتيجي مش هتلاقيني في البيت
لف وابتسملي بسخريه
_لو تعرفي تخرجي وريني
ومشي وسابني
-عاااا باارد انا هوريك قال بتعرفي تخرجي وريني نينيني
استنيت شويه علي ما اتاكدت انو خرج هو وتيم
وخرجت لكن
واحد من الحُراس
÷رايحه فين يا فندم
-خارجه في مشكله
÷انا اسف لحضرتك بس مراد باشا منبه انك متخرجيش ولو عوزتي حاجه نجبهالك
دخلت وانا بدبدب برجلي ف الارض
لقيت تليفوني بيرن كان مراد
فتحتسمعت ضوت ضحكتوا البارد المستفز ابن الحلوه دَ
-مرتاح انت طبعا وانت مش مخليهم يخرجوني
_ااه طبعا مرتاح
قفلت في وشوا كائن سمج
ب الليلكان مراد داخل الفيلا ولمح تيم قاعد جنب حمام السباحه بحزن ف راحلوا
رفعوا من علي الارض وقعدوا علي رجلوا
_مالك يا بطل مدايق ليه ، وليه مش قاعد مع وتين
التفت حوليه وقال
_لكن صحيح هي فين
بصلوا تيم بحزن
=انت وحش اووي يا عمو
بصلوا مراد ب استغراب خصوصا انوا مزعقش معاه او ضر”بوا قبل كدا
_ليه يا حبيبي بتقول كدا
=عشان انت مزعل وتين وهي قاعده من الصبح في الاوضه نايمه
_نايمه و اي دخل النوم في الزعل
=عشان وتين بتنام كتير لما بتزعل
وكمل ببرائة اطفال