-ايهه يا داده واقفه علي الباب ليه
قالتها وتين وهي مديه ضهرها للباب
قرب منها وحضنها من ضهرها
_بس انا مش الداده
انتفضت وتين وقالت
-مراد!!
_عيون وقلب مراد
حاولت تبعد وبعد محاولات فاشله نجحت
-أحم انت جيت امتي
_لسا جاي-مراااد بس بلاش تاكل الاكل لسا مخلصش
قالتها وتين بصوت عالي
ساب مراد الاكل بخوف مصطنع
_خلاص اهه يا شيف
نزل تيم من علي الترابيزه ومسك الاطباق
=وتين انا هوديهم علي السفره
-حبيبي اللي بيساعدني يا ناس
خرج تيم
اتكلم مراد بجديه_
انت اتعلمتي تعملي اكل فين ، علي حد علي محمد باشا عندوا خدم كتير
اتكلمت وتين بضحكه مصطنعه
-امم فعلا في خدم هناك ، بس الخدم اللي هناك كانو ممنوع يعملولي اي حاجه ، ف كنت بعمل الاكل لوحدي واكل لوحدي اعتماد علي النفس يعني
_ايهه ازاي يعني
-ياريت منكلمش ف اللي فاتقرب منها وطبع قبله هاديه علي جبينها
_اسف لو دايقتك
_هاتي الاكل نطلعوا سوا
علي السفره
تيم خلص اكل وقام بسرعه يشوف اللعب اللي مراد جايبهم لي
مكنش في غير وتين ومراد
_وتين
-هممم
_ممكن اسال سؤال
-اكيد اي الرسميه دِ
_انت مش ملاحظه انك بتعامليني كويس يعني مش بتكرهيني عشان يعني احم اجبر…..
قاطعتوا وتين ب ابتسامه هاديه
-عادي سواء عشت معاك او مع بابا عايشه ف سجن
سابت المعلقه علي السفره
-الحمدلله
وقامت
بصلها بزعل
وتين خرجت تقعد قدام حمام السباحه وسمحت ل الدموع المحبوسه في عنيها انها تنزل
حست بحد بيقعد جنبها مدت اديها تمسح دمعها
لكن كانت ايد مراد اسرع ومسك اديها وقال بحنان وهو بيضمها ليه
_ابكي ابكي وطلعي كل اللي جواكي