التفت ليه بخوف وقلبي بيدق جامد جامد اووي لدرجه اني كنت حاسه انو سامع الصوت كل دَ من كتر الرعب
اتكلمت بتعلثم
– م ميين و وتين ا انا و ورد يا بيه
لقيتوا بيقرب مره واحده ورفع النقاب من علي وشي وبصلي بسخريه
ومسك ايدي وجرني ورااه
واتكلم بسخريه وهو بيرميني جوه اوضه
_ايهه فاكره انك هتبقي عايشه عندي ومعرفكيش
قال كده بعد ما زقني في الاوضه
وقعت علي الارض قومت بسرعه
واتكلمت بزعيق
-انت عاايز ايهه هاه عايز تتجوزني ليه ما تروح تشوفلك اي واحده تاني انا مش عاوزاك يا أخي
فضل باصص عليا شويه وانا كنت منهاره ودموعي مغرقه وشي
حط ايدوا ف جيوب البنطلون وقال_ بعمل كدا عشان انا عاوز كدا
-وانا مش عاوزه كداا مش عاوزاك ، وهمشي من هنااا
قولت كدا ةانا بتخطاه عشان اوصل للباب واطلع من الاوضه
لكنوا فجأه مسك دراعي
واتكلم بسماجه
_ مش بمزاجك يا عروستي
اتكامت وانا بحاول اخلص درااعي اللي اتهرس تحت ايدوا-يعني ايهه وايهه عروستك دِ انا مش مراتك ولا عُمري هكون
ضحك ب استخفاف
_ بكرهه الصبح هكلم والدك واخوكي وهنكتب الكتاب وااه مش هقولوا ان بنتوا هربت واشتغلت خدا”مه عند نفس الراجل اللي
كانت بتهرب عشان متتجوزوش
-مش هوافق دَ بعينك انت سامع انا استحاله اتجوز واحد زيكك ساامع يا ما ترد بيهه انا مش سلعه هتشتروا وتبيعوا فيها
بصلي بسخريه وقال
_مهو يا هتوافقي ونتجوز برضاكي يا إما مش هتشوفي تيم بقيت حياتك
اتكلمت برعب
-ي يعني اييه دَ طفل برئ حرام عليك ، وبعدين انت تعروفوا منين
قرب من ودني وقال بهمس
_ مش مهم اعرفوا منين المهم هعملوا ايه
بصتلوا بخوف -ه ههتعمل اي يعني انت اخرك تهديد
بصلي يسخريه
_بلاش تتحديني عاوزه تعرفي هعمل اي
قرب اكتر وقال بشر
_ هبع”توا ل اموا وابوه
بعد عني واتكلم ببرائه مصطنعه
_والاختيار ليكي يا حضرت الدكتوره مش دكتورة برضوا
ضحك بسخريه
_عشان تشوفي بس انك هتتجوزي بني آدم طيب انا اهه بخيرك
زقني علي السرير اللي في الاوضه وكان خارج لكنو وقف
وقال وهو مديني ضهروا
_بكراا الصبح قبل ما اكلم والدك هسمع قرارك يا دكتوره