أنا :اذا كان كده ماشي نخش في المهم بقي ولا اية
يونس بسخريه : ولا انتي و زوقك بقي
انا : ماشي كملو كملو
يونس نفخ وبعدين قال لياسمين : ممكن يا انسه ياسمين تاخدي ايمن وتلفي الجرح بتاعه ده
ياسمين بضحك : ماشي تعالي يا ايمن
ايمن قام معاها بوجع وهو بيقول بصوت واطي : منها لله أللى أكلت دراع جوزها وراح مع معاها تعملو الجرح بعد شويه خلصت وخرجو
ايمن : آه يا دماغي مش قادر بقولك ايه يا يونس ملكش دعوه بياسمين تآني للمره الجايه تشيل رقبتي خالص
يونس بضحك : ههه تصدق شكلك حلو
ايمن بصله بغضب
ياسمين : طب خلاص بقي يا جماعه انا داخله أنام علشان فصلت تصبحو علي خير
ايمن ويونس : وانتي من اهله
دخلت ياسمين الاوضه تنام
في صباح يوم جديد
صحيت يا سمين علي صوت رن التليفون فتحت من غير ما تشوف الاسم
ياسمين بنوم : الو انت مين يا قليل الذوق أللى بتتصل دلوقتي الناس نايمه ده ايه العالم اللي مش بتتخمد دي
ناصر بصدمه : إيه ده ياسمين انا ناصر
ياسمين اتصدمت وبصت علي الرقم وقامت علي طول واتكلمت بتوتر : يلهووي مع معلش أصلي كان في رقم بيعاكسني طول اليل افتكرتو هو علشان كده شتمت بس معلش بقي جت فيك
ناصر بضحك : ولا يهمك يا ياسمنتي
ياسمين شالت التليفون من علي ودنها وتفت عليه
ناصر باستغرب : إيه الصوت ده
ياسمين : ده دانا عندي زغطه
ناصر : آه الف سلامه طب بقولك ايه
ياسمين : ايوه
ناصر : في حفله بكره عندي في القصر بمناسبه اني كسبت الصفقه الجديده بتاعت الشركه ايه رايك لو تيجي
ياسمين بتوتر : آه الف مبروك طيب هشوف ظروفي وهبقي أكلمك
ناصر بأبتسامه : الله يبارك فيكي طيب هستناكي بس ارجوكي حاولي تيجي الحفله مش هتبقي حلوه من غيرك
ياسمين : أكيد أكيد متقلقش
ناصر : تمام مع سلامه
ياسمين : سلام وقفلت
ياسمين قامت بسرعه : يونس ايمن
خرجت لاقت ايمن ويونس قاعدين
ياسمين : يونس ايمن يونس
يونس : إيه في إيه
ياسمين :الزفت ناصر كلمني من شويه وقالي انو عامل حفله بكره بمناسبه إن شركته كسبت ق
صفقه مهمه
ايمن بتذكر : آه صح دنا كنت لسه هقولك يا يونس
ياسمين لايمن : يعني انت هتبقي معايا يا ايمن
ايمن بأبتسامه : آه متقلقيش هبقي معاكي
ياسمين ابتسمت
يونس بص ليهم هما الاتنين بغيظ وبعدين قال : نخلص بقى يا بيه إنت وهي وإنتي انزلي النهاردة جبيلك فستان شيك بس مقفول ماشي مقفول
ياسمين بخنقه : اوف حاضر وإنا أساسا مش بحب القصير ولا المفتوح يعني اتبط
يونس بصلها بغضب وهو بيدوس على شفايفه أللى تحت بغيظ