ياسمين بصتله ببرود
الباب خبط ياسمين راحت تفتح وايمن استخبي ويونس مبقاش موجود
ياسمين فتحت ولاقيت صبا ابتسمت : حبيبتي إزيك كنت فين إمبارح خبط عليكو ومش لاقتكو
صبا دخلت وقالت بأبتسامه : معلش يا حبيبتي أصلنا كنا في البلد علشان ثانويه بابا كانت إمبارح وكنا بنزوره
ياسمين بتاثر: آه يا حبيبتي ربنا يرحمه تعيشي وتفتكرى
صبا ابتسمت : يارب الحمدلله هو في مكان أحسن المهم ماما بتقولك يلا علشان تتغذي معنا وإحنا إللي عازمين النهارده
ياسمين بأستغراب :اتغدا ليه هي الساعه كام
صبا بضحك : الساعه ٣ العصر
ياسمين بصدمه: لا بجد وأنا إللي فكرها الساعه ١٢ مثلا دنا نمت كتير اوى
صبا بابتسامه : معلش ممكن يكون من تعبك يلا اسيبك أنا بقي تخدي دش وتيجي
ياسمين بأبتسامه : ماشي يا حبيبتي وراحت قفلت
ايمن بلهفه : انتي هتروحي تتغدي عندهم
ياسمين بخبث: آه
ايمن زي العيل الصغير : ممكن طيب اجي معاكي ونبي ونبي
ياسمين بضحك : إنت إيه يا واد عامل زي الاطفال ليه كده لا مينفعش معلش سامحني مش هيحصل بعد اذنك بقي ودخلت الحمام
ايمن بغضب: ماشي يا ياسمين
يونس كان بيضحك
ايمن : اضحك اضحك علي احزاني
يونس ضحك اكتر
بعد شويه ياسمين خرجت وكانت لبسه وقالت : أنا رايحه عند صبا وطلعت لسانها علشان تغيظ ايمن وخرجت وهو كان بيص ليها بغيظ ويونس بيضحك
خبطت ياسمين علي باب أم صبا فتحت ليها صبا
صبا بأبتسامه : متاخرتيش تعالي خشي ماما جوة في المطبخ
ياسمين بأبتسامه : ماشي
ياسمين دخلت لام صبا المطبخ : حبيبتي عامله اية
أم صبا بابتسامه : حبيبتي عامله ايه وحشتيني
ياسمين : انتي اكتر يا قمر
ام صبا : اخبارك ايه دلوقتي
ياسمين : تمام احسن بكتير
ام صبا : الحمدلله يا حبيبتي
ياسمين : اساعدك في حاجه
ام صبا بابتسامه : لا يا حبيبتي انا خلاص خلصت خدي بس الاطباق طلعيهم علي السفره
ياسمين ابتسمت وخدت الاطباق علشان تخرجهم علي السفره وبقت هي وصبا ياخدو الاطباق ويطلعهوم علي السفره بعد شويه وقاعدو كلهم علي السفره
ولسه هيبدو يكلو الباب خبط
وصبا استغربت : مين جي لينا
ام صبا : مش عارفه افتحي كده يا بنتي ربنا يستر
صبا قامت فتحت اتصدمت لما لاقت
ياسمين دخلت اتصدمت من إللي شافتو
لقت جنينه قصر ناصر من دخله الباب كلها ورد وشموع وكل متخطي مكتوب في الارض إسمها لحد ما وصلت جوه مكان ما الناس كلها واقفه حطت أيدها علي بوقها لما شافت الكلمه المكتوبه بالهيليوم(♥️ I LOVE YOU YASMIN)
تنحت وبصت قدامها لاقت ناصر جاي نحيتها بوكيه الورد وهو بيبتسم بصت من غير ما ناصر ياخد باله علي ايمن لاقت ايمن متنح هو كمان علشان مكنش يعرف
إن ناصر هيعمل كده بالسرعه دي بس فرح من جواه علشان الخطه بتمشي من غير ما يعملو فيها أي مجهود زياده وفضل متابع بصمت
ياسمين بلعت ريقها بصعوبه وحاولت الابتسامه : أي إيه ده كلو أنا اتفاجأت من كل ده
ناصر بأبتسامه خبث وبيديها بوكيه الورد: إيه رأيك في المفاجأه دي ياسمين إنا بحبك وعايزك تبقي مراتي