فلاش باك
شهد: المهم الراجل قالي أنه أخد منه الأدوية و أنا سألته عن ثمنها ودفعتهاله ومشي و بعدين الولد طلع من تحت الكرسي الي ورى وشكرني
شهد:ينفع الي إنت عملته ده
الولد ببكاء: أنا لولا تعب أمي مكنتش عملت الي عملته انا دورت على شغل كتير بس محدش راضي يشغل الي في سني
شهد: تقوم تأكل والدتك من الحرام؟ طب إنت ترضى إنها تتعذب في يوم أو يحصلها حاجة وحشة لأنها بتاكل من الحرام
الولد بلهفة: أكيد ما أرضاش بس أعمل إيه؟ مفيش في جيبي مليم و ملقيتش حد يساعدني و روحت أكثر من صيدلية يدوني لو بس شريط من الدوا لحد ما ربنا يفرج و أوفرلهم ثمنه مكانوش بيرضو مكانش في إيدي حل غير إني أعمل كده
شهد كانت تنضر له بتأثر: طب متعيطش من هنا و رايح أنا هتكفل بمصاريفك إنت و والدتك لحد ما تكبر بس ما توعدني
متعملش كده تاني،
الولد وهو بيمسح دموعه: حاضر
باك
والد شهد: أمم وبعدين؟
شهد: إحم ولا قبلين أنا بس جيت أبلغك عشان تتكفل بمصاريفهم زي ما وعدت الولد اليتيم الغلبان ياحبة عيني
قالت أخر كلماتها بمسكنة لتأثر عليه
أبوها بضيق: طيب خلاص خلاص هاتي إسمه و عنوانهم و أنا هتصرف
شهد قامت بفرحة حضنته: حبيبي تسلملي يارب هو دا عشمي فيك برضو
ليدخل عليهم شاب فجأة
: أوباا، في المكتب يا سيادة اللواء؟
شهد بغيظ: و إنت مالك يا رخم
: بت إحترمي نفسك متنسيش إني أخوكي الكبير
شهد بإحترام: أسفة يا أبيه كريم
كريم قعد على الكرسي الذي أمامها و هو يفرك عينيه بتعب
اللواء بجدية: ها إيه الجديد في قضيتك يا حضرة الضابط
كريم: لسا موصلناش لحاجة عن القا،تل بس الي متأكدين منه إنه نفس الي قـ،تل الضحية( إبتهال نصر)
لأنه قـ،تلهم بنفس الطريقة وكاتب في دراعها حرف كمان
شهد كانت أخذت الملف الذي وضعه كريم على الطاولة وبدأت في قراءته أثناء إنشغالهما بالحديث
شهد بتركيز: يمكن عايز يوصل رسالة في الأول س و الثانية هـ
ثم نضرت لأخيها: إنت قولتلي إيه الحاجة المشتركة بين الضحـ،ـيتين؟