زين : انا عارف اخلاق عمر كويس ..بس دا ما يمنعش أنه اخطأ أنه دارى عننا كل الوقت دا …افرض انك كنت اتأخرت …على ماجيت كان زمان ماما شربت اللبن
محمد : ليه أميرة تعمل كدا ..
دى سمر عمرها ما آذتها فى اى حاجه
اتصل زين وأخبر طارق بكل ما حدث
طارق : كدا لازم يتم القبض عليه قبل ما تهرب لأى مكان …
ويرسل فريق من الشرطه لضبط وإحضار أميرة …
يتصل محمد على غانم
غانم بخضه : مالك يا محمد بتتصل فى الوقت دا ليه
محمد : تعالى وهات مريم معاك حالا
غانم : انا لسه نازل من عندها حالا ..الاسبوع دا عند أميرة
محمد : اسمع الكلام من غير نقاش وهات مريم …انتم فى خطر لما تيجى هعرفك
غانم بقلق : حاضر حاضر وعاد إلى مريم لاحضارها …
وصلت الشرطه عند أميرة
الضابط : انتى أميرة
أميرة بقلق :هو فى ايه
الضابط : اتفضلى معانا من غير شوشرة
عند حور
نامت حور بعدما أخذت الحقنه المهدئه
نزلت كلا من بوسي وسارة للاسفل
بوسي بحزن : هو ايه اللى حصل ل حور
محمد : سيبي زين فى حاله يا بوسي
مش وقته
ونظر إلى حسام ..اسفين يا ابنى ازعجناك معانا ..
حسام : ما تقولش كدا يا اونكل …
زين : انا فعلا آسف يا حسام
اقعد واحكيلى كنت عايزنى فى ايه
نظر حسام إلى بسنت وجدها تفرك يديها من القلق
حسام : مش وقته يا زين …نأجل كلامى مرة تانيه …ويلا يا سارة نستأذن احنا علشان ترتاحوا
زين : لا يا حسام ..احنا بخير ..اتفضل قول انا سامعك
حسام : الحقيقه انا كنت جاى علشان ……..يصر زين أن يخبره حسام عن سبب قدومه
حسام : الحقيقه انا كنت جاى علشان اطلب ايد الانسه بسنت دا بعد اذن اونكل محمد واذنك
زين : بالنسبه ليا انا ما عنديش مانع
فاضل موافقه بابا وطبعا العروسه موافقه ..اوعوا تفكروا أنى ما كنتش عارف اللى بينكم بس انا واثق فيكى وفى اخلاقك يا بوسي انتى وحسام
بسنت باحراج : انا يا آبيه
زين : ما تقوليش حاجه ونظر إلى والده
محمد : الحقيقه انا معنديش مانع ما دام بسنت موافقه واانت موافق
حسام بفرحه : انا مش عارف اشكرك ازاي.
سارة : مبروك يا بوسي ..مبروك يا حسام
بدأ الجميع فى تهنئه بعضهم البعض…
بينما كان عمر يجلس منذوى على نفسه بعيدا عنهم …فهو حزين على ما وصلت إليه والدته …
دخل غانم ومريم وجدوا جو الفرح
والبهجه فيما بينهم
غانم : واضح أن فى حاجه تفرح
مع انك قلقتنى يا محمد
محمد : هتعرف كل حاجه ما تستعجلش
وقص له كل شئ بالتفصيل
غانم : طول عمرها شخصيه انانيه ..دى اللى والدى فرضها عليا
وفضلها على مريم
محمد : خلاص يا غانم ..كل شئ قسمه ونصيب … بقلم منال عباس
غانم : عندك حق
اقتربت مريم من عمر : فقد شعرت بحزنه ..
مريم : ما تزعلش ياعمر يا ابنى …انت عملت اللى عليك …
عمر : كان نفسي محدش يتأذى وماما ترجع لصوابها …
مريم : ربنا يهديها يا ابنى
عمر :ليه ما تكونيش انتى امى ..ليه تكون امى بالاخلاق دى وبدأ في الانهيار ..
تأتى إليه سارة بحزن فقد فهمت سر تغييره معها الفترة السابقه
سارة : تسمحيلى يا طنط اقعد مع عمر شويه
مريم : طبعا يا حبيبتي…وتركتهم
سارة : بقي دا اللى كان باعدك عنى الفترة اللى فاتت …معقول يا عمر ما تشاركنيش مشاكلك
عمر : كنتى عايزانى اقولك ايه يا سارة
زى ما انتى شايفه واحد أمه تطلع كدا ..
سارة : احنا مش بنختار اهلنا يا عمر ..ثم انا شايفه الكل هنا بيحبك ..واونكل غانم ديما فى ضهرك