رواية وكانت صدفة ❤?كاملة ? جميع الفصول ?(من الفصل الأول إلى الأخير) كاملة ستعجبكم

 

حوريه بحده: طيب انا جعانه ونازله اكل، الباشا بقي بيعمل اي هنا..
كمال بهدوء: كان عندي شوية شغل كنت بخلصهم فمكتب بابا وكنت طالع انام..
حوريه بغمزه: طب اي؟..

 

كمال بأبتسامه خبيثه وهو يقترب منها: اي؟ 😉
حوريه بتوتر: انت فهمت اي جاتك نيله قصدي تعملي اكل زي مكنت بتعملي فلندن..

 

كمال بأبتسامه عاشقه: اوكيشن يلاا بينااا..
_ ما ان بدأو بتجهيز الطعام، حتي دلفت ريهام للمطبخ..

 

ريهام بتعجب وهي مازالت واقفه امام باب المطبخ: انتو بتعملو اي هناا..
حوريه بمرح: تعالي انتي كمان يلااا هدوقك اكل كيموو..
ريهام: لا خدو راحتكم انا جايه اخد مايه وطالعه تاني انام..

 

كمال بمرح: ع اللي عملتيه فالواد نديم وانك مش هتقعدي معاه فاوضه واحده غير لحد مجوازكم يتعلن للناس هنولك شرف انك تدوقي اكلي..
حوريه بمرح: عليا الطلاق لانتي قاعده تاكلي معاناا..

 

ابتسمت ريهام بسعاده: اوكي هقعد حاضر..
_كادت ان تدلف داخل المطبخ، حتي جاء نديم من خلفها غير منتبه لكمال و حورية واحتضنها بمشاكسه، لتشهق ريهام بخجل شديد..

 

ما ان رفع نديم راسه ووجدهم حتي ابتعد عنها بفزع: اعووذ بالله من الشيطان الرجيم انتو بتعملو اي هناا..
_ كتم كمال ضحكاته وصمت..
حوريه بحده: اتفو ع ده صنف، دلوقتي فهمت ام ابراهيم لي بتقول عليك تخصص مطابخ..
نديم بتوتر: ااا لا ده بس هي كانت هتقع وانا سندتها..
ريهام بخجل شديد: ااه هو كده..

 

حوريه بمرح: طيب خلاص، بالمناسبه تجمعنا انا اللي هطبخ لاول مره..
نديم بمرح هو الاخر: وانا لاول مره هساعدك..

ريهام بحماس: وانا هروح اصحي سما تيجي تاكل معاناا..
_ ذهبت ريهام وجاءت بسما للاسفل، فحين كانت سما قد اغلقت هاتفها كي لا تضعف وتجيب ع اتصالات فتحي المتكرره..

 

ــــــــــــــــــــــــــــــــــــ
ع الجانب الاخر..
_كان فتحي، يفك برابط كتفه الطبي بغضب..
ياسر بقلق : ي كبير ده خطر عليك الجرح ممكن يتفتح..
فتحي وهو يحرك زراعه بألم: مش هتفرق..

 

ياسر: طيب انت هتروح فين دلوقتي..
فتحي بنظرات ناريه: هروحلهااا..
ياسر: ازاي ي كبير فالوقت ده طب خليها الصبح..
فتحي بغيظ: مش بترد ليه طيب، انا عملت اي عشان تبعد كده..
_ صدح رنين هاتف فتحي، ليهرول هو للهاتف بلهفه ظناً منه انها هي من تهاتفه.، فحين كتم الاخر ضحكاته ع هذا العاشق

 

الذي يظهر عليه الحب وبقوه..
اجاب فتحي بجمود بعد ان رأي ان المتصل رقم مجهول: الو..
عايده بهدوء: ازيك ي استاذ فتحي عامل اي؟

 

فتحي: مين..
عايده بدلع: عايده..
فتحي بملل فهو عرفها ولكن اردف بحده: عايده مين..
عايده بغيظ: عايده اللي بشتغل فقصر عزيز بيه..