عند غيث و غفران ..
غفران و هند قاعدين بيضحكوا تحت أنظار غفران اللي بتراقب نزول غيث بعد م زعقوا
هند بمشاكسة : مالك كدا بتدوري على أي
غفران : هااا لا مش بدور على حاجة
هند : يا بتت دا انا شيفاكي ملهوفة عشان ينزل
غفران : لا طبعا انا بس كنت بحسبه هيقعد معانا بعد م قال انه مش هيروح الشركة
هند : هو ممكن يكون اتضايق بعد اللي حصل عشان كدا مش نزل
غفران : انا مش عملت حاجة هو اللي علطول عصبي و بيضايق من أي حاجة
هند : يعني شايفة انه سهل عليه يشوف مراته مش متقبلة حتى مساعدته و مش يزعل عفكرة غيث عمره م اهتم ل تصرفات حد بس اما بيحب بيهتم جدا زي م حصل كدا معاكي و بعدين انتي لسه قاعدة قومي يلا صالحيه و اتكلموا و بلاش عناد
غفران بإرتباك : لا خلينا قاعدين شوية و قاطع كلامها فون هند اللي بيرن و بتقفله
غفران : ردي على تليفونك من ساعتها بيرن ممكن تكون حاجة مهمة
هند بإرتباك : لا مش مهمة ولا حاجة بس المهم قومي يلا ارتاحي شوية و مش تنسي زي م قولت ليكي إبدأي كلام و قربوا من بعض و بلاش تبقوا بعاد كدا
غفران : حاضر بس زي م قولت ليكي بلاش تعرفي جدو باللي حصل عشان مش يقلق
هند : حاضر يا حبيبتي يلا تصبحي على خير
صعدت غفران إلى الجناح الخاص بها و كذلك صعدت هند إلى غرفتها ..
******************************
هند بهمس : ألو يا زياد في اي كنت قاعدة مع غفران و مكنتش عارفة أرد
زياد بخبث : وحشتيني مش سمعت صوتك انهاردة خالص و مش بتردي عليا
هند : و أنت كمان يا حبيبي بس كان غصب عني حصلت حاجات كتير انهاردة ومش عرفت أرد عليك خالص
زياد : مالك اي اللي حصل
هند : مش أنا بس غفران كانت عملت حاد”ثة و كانت في المستشفى
زياد : حادثة ازاي و هي عاملة اي دلوقتى
هند : هي كويسة يا حبيبي بس الحادثة كانت عبارة عن محاولة خطف و لما فشلت حد ز”قها قدام العربية
زياد باهتمام : طايب و غيث عمل أي و عرف يوصل للناس دي و لا لسه
هند : غيث معملش أي رد فعل بس هو أكيد مش هيسكت
زياد بخبث : او ممكن عشان مش فارقة معاه ف مش فارق معاه اللي حصل
هند : زياد متقولش كدا دي مرات غيث و انت عارف ان غيث مش بيحب حد يجيب سيرة حاجة تخصه
زياد : خلاص خلاص المهم دلوقتي انتي وحشتيني و عاوز أشوفك
هند : نتقابل بكرة ان شاء الله يا حبيبي بس مش عندك في البيت عشان مش تقول زي كل مرة
زياد بزعل مصطنع : و أنا مش هقول يا هند براحتك بس انتي عارفة اني بحبك
هند بضعف : و انا كمان بس عشان لو غيث عرف ساعتها هتكون مشكلة جامدة
زياد بضيق : كل حاجة غيث غيث أنا قرفت انا بحبك ومش بنعمل حاجة غلط عشان تخافي الخوف دا كله
هند : دا اخويا يا زياد و انت عارف اني بحبك بس هو مش يعرف اي حاجة عن علاقتنا و ممكن يرفض لو قولت له تقولي نتقابل في البيت عندك
زياد : تمام يا هند و قفل معاها و هو متأكد أنه هيقدر يأثر عليها بالكلام
زياد بمكر : واحدة واحدة يا هند هانم و انتي هتشوفي ازاي هتبقى أداة رخيصة عشان أكسر بيها غيث الشناوي
***************************
عند غران دخلت غرفتها و هي شايفة غيث اللي بيشغل نفسه في الشغل
غفران بتردد : غيث …
غيث ببرود : أفندم عاوزة حاجة
غفران : أيوة ممكن نتكلم شوية لوسمحت