غيث بغضب جحيمي و هو بينادي على الرجاله : خدوه من هنا انا عاوزه حي و محدش يقرب منه و ترموه في المخزن اللي في الطريق الصحراوي على م أجيله
الرجالة : أمرك يا غيث باشا
جريت هند على غيث وهي بتحضنه لكنه شدها بقوة من خارج أحضانه
هند ببكاء : غيث أنا أسفة والله …. ولم تكمل كلمتها حتى صفعها غيث
غيث : إنتي خنتي ثقتي فيكي انا كنت ليكي الأب و الأم و انتي كنتي بعملتك دي هتكسر”يني عملت ليكي اي عشان تأمني ل كلب زي دا
هند ببكاء : والله صدقت انه بيحبني هو قال كدا و قال انه هيجي يتقدم انا مكنتش أعرف أنه ممكن يعمل حاجة زي دي
صدقني يا غيث أنا مكنتش عاوزة اخون ثقتك سامحني عشان خاطري
غيث : بيحبك فين دا كان عاوزك تكوني نقطة ضعف ليا انتي مش عارفة حاجة و أسامحك ازاي انا حقيقي قرفان من نفسي اني مش عرفت أحسن تربيتك
هند بإنهيار : غيث بلاش تقول كدا عشان خاطري انا والله ولم تكمل كلمتها حتى وقع مغشية
غيث وهو بيجري عليها بلهفة …
غيث : هند فوقي يا هند فوقي عشان خاطري
مصطفى و هو بيعطي ل غيث برفان و بالفعل فاقت …
هند بدموع : غيث أناا
غيث بجمود : هند بلاش تتكلمي دلوقتي انتي تعبانة و حملها دون أن ينطق حرفا و وضعها في العربية و كان الصمت سيد الموقف و لم يوجد صوت سوى شهقات هند المتتالية
وبعد مدة وصل غيث هو و هند الفيلا
تركها و دخل دون أن يتحدث إليها بحرف
دخلت هند و هي بتحاول توقفه لكنها فشلت و هو طلع على جناحه علطول
غفران بتعجب : غيث مالك في اي
غيث لم يلق إلى سؤالها اي اهتمام أيضا ..
غفران وهي بتنظر لهيئة هند بقلق : مالك يا حبيبتي في اي
هند وهي بتترمي بين أحضانها و بتعيط : انا والله مكنش قصدي أعمل كدا مكنتش أعرف أن الحال هيوصل ل كدا
غفران : اهدي بس يا حبيبتي و احكيلي حصل اي
هند حكت ليها اللي حصل
غفران : طايب اهدي و انا هكلم غيث بس انتي اطلعي دلوقتي و ارتاحي هو أكيد زعلان من اللي حصل منك لأنك المفروض
كنتي تثقي فيه أكتر من كدا و تحكي له على كل اللي حصل
هند : أنا والله مكنتش عارفة ان دل هيحصل و ان زياد طلع زبا”لة للدرجة دي
غفران : طايب خلاص بلاش نتكلم دلوقتي دلوقتي اطلعي ارتاحي و انا هطلع أشوف غيث و متقلقيش انا واثقة انه مش هيفضل كدا كتير انتي غالية أوي عند غيث
*****************************
عند تاليا و هي بتتكلم في الفون مع واحد من رجالة زياد
تاليا : ألوو .. اومال فين زياد بيه وليه الفون مقفول بقاله كام ساعة
عماد : مش عارف يا هانم بس ….
تاليا : بس أي انطق فين زياد
عماد : انا كنت مع زياد بيه يا هانم و قال استناه تحت شقته على م ينزل عشان هنروح مشوار بعد م يخلص و لقيت في بنت كدا طالعة معاه بس معرفش مين هي
تاليا : هااا وبعدين اخلص
عماد : بعد مدة لقيت غيث باشا و صاحبه طالعين و الرجاله نزلوا زياد بيه و كان غرقان في د”مه
تاليا : وانت كنت فين من كل دا يا غبي
عماد : انا معرفتش أعمل حاجة يا هانم رجالة غيث باشا كانت كتيرة جدا
تاليا بغضب : طايب غوور و حسابك بعدين
و قفلت الفون و هي مش عارفة تعمل أي
تاليا : بقى كدا يا غيث انت اللي بدأت و لازم العب بالكارت اللي كنت سيبته بس جه وقته خلاص
*************************
بتدخل غفران بهدوء لقت غيث بيضم دماغه بين إيده و الحزن مسيطر عليه ..
غفران بتقعد جنبه و ترتب على شعره
فجأه لقته حضنها و بيشدد عليها