_ وفجاءة اخوها دخل وف ايده الحزام
_ بخوف : اي في اي ؟
_ حصل حاجه بينك وبين الواد ده انطقيييي؟؟
_ انت بتقول ايه ي رامز والله العظيم دا مجرد زميل ف الشغل
_ بسخريه : زميل ؟؟
اوماال كنتي عايزة تهربي معاه من المستشفى ليه ؟؟
_ بخوف وعياط : انت ليه بتعمل معايا كدا، انا بخاف منك
_ بغضب : عشان ابويا راح اتجوز علي امي وجابك انتي عندنا بعد امك ما ماتت
_ بعياط : طب انا ذنبي اي ي رامز ذنبيي اي ؟
_ ذنبك انك اختي من ابويا
_ بس ف الاخر انا اختك
_ عطاها ضهرة : اجهزي يلا مفيش وقت
_ سابها وخرج وهيه كلعاده قعدت تعيط , علي الناحيه التانيه ماجد مش عارف يلاقيها منين ولا منين ، اخوة محتاجه وكمان سلمي دا غير أمه اللي مرميه ف المستشفى
_ ليلي هوة بابا فين ؟
_ بتوتر : عنده شغل ي حبيبتي وهيتأخر شوي
_ بس بابا بيشتغل ف المدرسه ومش بياخر كل ده
_ أن شاء الله بكرة هنتصل بيه وهخليه يكلمك ماشي ؟
_ ماشي
_ ليلي نيمتهم وخرجت برا تقعد م امها
_ اومال عمي فين ي ماما ؟
_ خد مراته وابنه ونزلوا البلد بعد انتي م مشيتي الصبح
_ ومحدش قالي ليه
_ جات صدفه
_ اممممم
_ ليلي ؟
_ بصتلها : نعم ي ماما
_ هتفضلي كدا كتير يبنتي
_ مش فاهمه
_ لا انتي فاهمه بس بتستعبطي
_ بجديه : بصي ي ماما براء جوزي وهوة دلوقتي ف محنه ولازم اكون واقفه معاه وجنبه وبالنسبه لولاده ف هما كمان ولادي وبحبهم اوي وانتي كمان بتحبيهم مش كده ؟؟
_ اتنهدت : مش هنكر اني بحبهم بس انا نفسي اشوف ليكي عيل من صلبك ي حبيبتي وافرح بيكي زي اي ام ف الدنيا
_ حضنتها : ي ماما ي حبيبتي انتي مستعجله كدا ليه محدش عارف نصيبه فين
_ بصتلها بطرف عينيها : بت انتي مالك مبسوطه كدا ليه وجوزك واقع ف مصيبه ؟؟
_ بخبث: مين انا ؟؟؟
_ والله م مرتحالك
_ ليه بس يا ست الكل
_ ادم طلع عليهم وبيدعك ف عينه : انا مش عارف انام
_ ضحكت : اومال انت كنت بتعمل اي ؟
_ بضيق : بحلم بحاجات وحشه
_ قامت خدته ف حضنها : تعالي ي حبيبي متخفش دي كوابيس
_ طيب ي ليلي انا هقوم ارتاح شوي وانتي خلي بالك منه
_ ماشي ي ماما تعالي ي ادم معايا
_ خدته وبقت تحكيله حواديت لحد م نام وبعدين اتصلت علي ماجد
_ أيوة ي ماجد أنت فين ؟
_ حاليا انا داخل علي المستشفي وهطمن علي ماما وارجع البيت
_ ماشي ابقي طمني عليها وكمان عملت اي مع المحامي
_ براء حكاله كل حاجه وهوة هيتصرف وهينقلوة علي سجن تاني ، وبعد بكرة الجلسه
_ تمام أن شاء الله خير
_ قفلت معاه وقعدت تدرس خطواتها كويس واللي هتعمله
_ سلمي للبست وقاعده ف اوضتها حزينه علي اللي بيحصلها ، دخل عندها رامز وخدها وقعدوا شويه مع العريس بعدين سابهم مع بعض وقبل م يخرج برقلها ب عينيه
_ انسه سلمي ممكن تبصيلي ؟
_ لو سمحت انا مرتاحه كدا
_ أحم …طيب مش عايزة تسأليني وعن حاجه ؟
_ بملل : لو حضرتك عندك سؤال اتفضل
_ انتي مغصوبه علي القعده دي ؟
_ بصتله بسرعه وخافت يقول لرامز : لا مفيش الكلام ده
_ ابتسم : علي فكرة مش هقوله حاجه
_ هوة مين
_ اخوكي
_ بتوتر : ااا…أيوة انا انا مش عايزة اتجوز بس هوة اللي جابرني
_ طيب انتي مش عايزة تتجوزي ليه ؟؟
بتحبي حد ؟؟
_ وهنا افتكرت ماجد : أيوة
_ طيب تمام انا هخرج وهجيبها من عندي
_ بجد
_ ابتسم : بجد واتشرفت بمعرفتك اوي
_ ابتسمت بخوف : انا اكتر
_ خرج وقاله أنه هيرد عليه بكرة ، وبعدين دخل عند أخته
_ هاااا اي رأيك فيه ؟
_ بخوف : ك…كويس
_ بشك : ماشي