_ ماجد طلع ع القسم واتخانق معاهم بس اهمالهم ف واحده هربانه زي ايمان ، هددوه أن يبطل اسلوبه ده وإلا هيحبسوه وهما هيشوفوا شغلهم ويلاقوها
_ خرج من عندهم وهوة مش عارف يروح فين ولا ييجي منين ؟؟
_ راح علي بيت ايمان وقابل امها
_ بهدؤء : ياريت تتفهمي الموضوع، بنتك واحده هربانه دا غير اني متاكد انها عملت حاجه ل ليلي وبراء
_ بدموع : دي بنتي وحتة مني مقدرش ابلغ عنها
_ طب انتي عايزاها تأذي نفسها ؟
_ بعياط : لا بس مش هاين عليا اشوفها محبوسه
_ ارجوكي حاولي تفهمي الوضع ، ايمان مجنونه ب براء وكدا هتأ@ذي نفسها والللي حواليها خصوصا ولادها
_ حاول معها كتير لاكنها متكلمتش وقالت إنها مشافتهاش غير بالليل وقامت الصبح مكنتش موجوده ، ماجد نفخ بضيق وحط ايده علي وشه ، جالة تليفون من رقم غريب وكان براء بيتصل من المستشفى ، طلع بسرعه خد تاكسي ومشي
_ لقي براء هدومه كلها غر@_قانه دم بيعيط ، قعد جمبه وحط ايده علي كتفه ، براء بصله بعيون حمرا واترمي ف حضنه : مقدرتش احميها كانت قدامي وبتموت مني ومش عارف اعملها حاجه
_ بدموع :اجمد كدا ي براء أن شاء الله هتقوم بلاسلامه
_ مش هقدر اعيش من غيرها خايف تسيبني بعد م حبيتها ، أيوة انا بعترف اني حبيتها
_ ماجد محسش بكره ولا حقد ناحيته بالعكس ابتسم ووقتها عرف انو محبش ليلي
_ الدكتور وقال : المدام كليتها اتضررت ومحتاجين حد يتبرع
_ بلهفه : انا هتبرع يلا بسرعه ي دكتور
_ حضرتك عندك اي اعراض جانبيه
_ لا انا تمام
_ اتفضل معايا نعمل تحاليل الاول
_ ماجد : براء انت هتعمل اي ؟
_ زي م انت سمعت
_ خلينا نشوف حد تاني انا خايف اوي عليك
_ ابتسم : متخفش انا قدها
_ وراح براء يتبرع ل ليلي وطبعا بكليه واحده ، أما ماجد فحس بنغزة ف قلبه كده لما افتكر سلمي ، قرر يروح البيت يطمن عليها
_ سلمي قامت وهيه تعبانه وجسمها مدغدغ ،
ومش قادرة تتحرك ، البيت هادي ، فعرفت أن ماجد لسه مرجعش ، عملت قهوة وقعدت تكتب
_ ” حاسه اني بلا كرامه اوي ، احساس الخزلان دايما مراودني ، كأن مكتوب علي قلبي ميشوفش السعاده الابديه ، انا نفسي ف بيت هادي مليان حب ، حب كبير محستوش قبل كدا
_ مع شخصي المفضل واعمل عيله ولطيفه ويكون عندي ولاد كتير هخليهم يحبوا بعض ، بس الاحلام عمرها م بتتحقق
_ اتنهدت وخدت بق من القهوة وكملت : ابويا وامي دايما كانوا بيفكروا ف نفسهم ، انسان مش سوي اتجوز انسانه مش سويه اللي هيه امي ، كل همهم الرفاهيه والفلوس ، مش مهم ولادهم ، طالما بياكلوا ويلبسوا ويشربوا يبقوا بخير .
_ بس الحنيه ، والطبطبه ، والحب ، كل دي مشاعر ميعرفوش عنها حاجه ، من تلات سنين بس ….سافروا باريس اتواصلوا معنا شهر بعد كده قطعوا الاتصال والفلوس اللي كانوا بيبعتوها
_ بعدها ابتدا رامز بقي يضربني ويهيني ويجبرني اشتغل وهوة يقعد وانا اديلوا الفلوس دا غير مصالح البيت ، تقريبا مكنتش بنام
_ عزلني عن الناس وعن صحابي ، الكل كان بيخاف يقرب مني بسببه ، آذاني كتير نفسيا وجسديا
_ أنا متصدمتش من كلام ماجد لانه حقيقه ، بس انا مليش غيره مش عارفه اروح فين .
_ عيطت : يخربيت الذل اللي بيجبر الإنسان علي حاجه خارج إرادته ، انا ….انا حاسه اني مريضه ولازم اتعالج
_ وقفت وشدت شعرها : انا تعبت كفايه بقاااا كفايه تفكير ووقعت ف الأرض اغمي عليها
_ ايمان رجعت علي بيت امها وهيه هتموت من الخوف وبتكلم نفسها
_ عملتي فيهم ي ايمان ؟
_ ضحكت بجنون : قتلتها وخلصت منها
_ بدموع : ليه يبنتي لي عملتي كدا
_ اتعصبت وشدت شعرها : عشان بكرهم !!!
بكرهم كلهم وبكرهك انتي كمان
_ بعياط : ليكي حق تكر!!:هيني منا اللي عملت فيكي كدا ، انا اللي ربيتك علي الغلط من الاول ، خليتك تحبي نفسك ، ومتفكريش ف اللي حواليكي
_ بكره : اسكتي بقاااا مش عايزة اسمع حاجه ، انا عايزة ولادي هقتلهم هما كمان عشان بيحبوا ليلي وانا لا
_ امها شهقت وحطت ايديها علي بوقها ووقتها بس عرفت أن بنتها اتجننت
_ بعد شوية الشرطه جات قبضت عليها ، لان امها كانت متفقه معاهم ، صعب عليها بنتها وغصب عنها عملت كدا
_قررت تسيب البلد فترة لحد م نفسيتها تتحسن وتنسي