_ ماجد اول م فتح الباب ودخل لقي سلمي مرميه ع الأرض ، جري بخوف عليها وشالها ودخلها اوضتها ، جاب ميه وفوقها
_ ابتدت تفوق ، بس بعدين نامت غطاها كويس وخرج اول م قعد شاف مذاكرتها وابتدا يقرء هيه كاتبه اي
_ مع كلمه قراءها قلبه وجعه ، ازاي قدر يجرحها بالشكل ده ، هوة ليه اناني دايما ، ليه مش بيحب غير نفسه ، وكل تصرفاته بتجرح اللي حواليه ؟؟
_ دخل عندها تاني ، رفع الغطا ونام جمبها حاوطها بدراعيه وخدها ف حضنه : مش عارف هتسامحيني ولالا بس انا محتاجك جنبي !!
_ نسي كل حاجه لما دفن وشه ف رقبتها ، وبيفكر ازاي يعوضها ، هوة مش بيحبها بس بيكنلها مشاعر تانيه
_ براء نايم علي السرير ، فاقد وعيه بعد م عمل العمليه
_ ليلي حالتها اتحسنت ونقلوها اوضه عاديه
_ الوضع غير مستقر بالمرة
_ فريده وادم مش مبطلين عياط ، وام ليلي مش عارفه تعملهم اي ؟
_ الشرطه كشفوا علي ايمان بعد شكوكهم فيها انها فقدت عقلها ، وفعلا خدوها مستشفي الامراض العقليه تتعالج وتقضي عقوبتها
_ اليوم عدا والصبح طلع بيوم جديد
_ سلمي قامت لقت نفسها ف حضن ماجد بعدت عنه بسرعه وافتكرت اللي حصل ف. عيطتت
_ ماجد قام علي صوتها ، حاول يحضنها رفضت وبعدت عنه
_ سلمي انا اسف مكنتش اقصد والله
_ بعياط : كداب ي ماجد كداب كل كلمه قولتها كنت تقصدها
_ ممكن تهدي طيب انتي تعبانه
_ مسحت دموعها : طلقني
_ ايي؟؟
_بقولك طلقني
_ مسح علي وشه بهدؤ: يبنت الحلال احنا لسه اتجوزنا عشان اطلقك
_ مردتش عليه وقامت من مكانها ودخلت الحمام
_بص علي طيفها واتنهد: مش عارف اعمل اي بس عشان اصلح علاقتنا دي
_ قام هوه عمل لنفسه قهوه وبعدها سلمي طلعت هيه كمان
_ بهدؤ : ليلي ف المستشفى بين الحياه والموت لازم اقوم البس عشان اكون جمب اخويا
_……..!!!!
_ بصلها: مبترديش ليه؟
_ ببرود: هرد اقول اي؟؟
_ اتنهد : بصي ي سلمي، ليلي خلاص بقت مرات اخويا ومش بكنلها اي مشاعر ف قلبي غير الاحترام والموده، يعني انا والله م بحبها
_ ببرود: مش فارق معايا اصلا.
_ اتعصب: يعني اي مش فارق معاكي ؟
_ابتسمت بوجع: يعني ملوش لازمه تبررلي مش انت تعبت مني ومن مشاكلي، وانا عاله عليك؟
_ سلمي انا اعتزرت منك علي الكلام اللي قولته الصبح ليه مش عايزه تنسي
_ وقفت: ياريت الاعتزار كان بيفيد ولا حتي بيخفف وجع قلوبنا
_ شدها من ايديها وهوه قاعد ووقعت ف حضنه، مسك خصله من شعرها ورجعها ورا ودنها وهمسلها: اممم طب اصالحك ازاي؟
_ بتوتر: ابعد الاول
_ بخبث: عايزاني ابعد ليه؟
_ عيونها دمعت: انت بتعمل كده عشان تنساها بيا؟
_ اتعصب منها جامد وباسها بوسه طويله، بعد عنها عشان تقدر تاخد نفسها، مسك وشها بين ايديه وهما لسه علي نفس الوضع: اعتبري البوسه دي اعتزار عن كلامي اللي جرحك وكمان بثبتلك اني محبتش ليلي
_ بصت ف الارض بكسوف وغمضت عينيها، مشا صباعه علي شفايفها وقال: لو زعلانه انا ممكن اا……….!!
_ قاطعته وقامت بسرعه وقفت: انت واحد قليل الاد*ب ومشفتش ربع ساعه تربيه
_ دخلت الاوضه وهيه قلبها بيدق جامد ومش قادره تتحكم ف مشاعرها، ماجد ضحك بصوت عالي عليها ومشي عشان يطمن علي ليلي