تعالى يا بنتى سمى ع النونو وشوفيه ربنا يخلف عليكى انتى وعدى بالخلف الصالح مشيت فرح باتجاه حماتها زينب وشالت
الطفل وباسته بلطف وقالت: ما شاء ربنا يباركلكم فيه يا هند انتى ويونس نويتوا تسموه ايه؟ هند: لسه مش عارفة بس يونس
عاوز يسميه احمد فرح: وماله اسم جميل احمد عبير والدة هند: طب هاتيه يا حبيبتى بقى اصل ممكن يطوح منك وبعدين العيال
بتتنظر برضه لما الواحدة بتكون محرومة من الخلفة يونس بغضب: حماتى ملوش لازمه الكلام ده لو سمحتى كانت زينب لسه
هترد لكن فرح مسكت ايدها بسرعة وهزت رأسها بلا وبعدها ابتسمت وقالت: حضرتك عندك حق فعلا الاطفال بتتحسد بس اكتر
ناس بتتكلم عن الحسد هما نفسهم حاسدين وعيونهم وحشة وعندهم نقص لكن انا الحمدلله اتولدت واتربيت فى بيت طالعة منه
عينى مليانة وجيت وسط ناس برضه شبعانة وفعلا العقيم ممكن تحزن لكن انا وجوزى الحمدلله سالمين احنا اللى مأجلين
موضوع الخلف لدلوقتى عبير بتهكم: خمس سنين متجوزين ومأجلين وماله يا حبيبتى اللهم صل ع النبى انا بنتى بعد التسع
شهور دوغرى جابت الواد فرح: وماله ربنا يعطيها الصحة وطول العمر وتخاويه وتجيب بالتوأم كمان دى حاجة تفرحنا والله يا
طنط هند باحراج: لو سمحتى ياماما من فضلك كفاية لحد كده فرح كويسة اوى معايا وكمان كانت جنبى وخدت بالها منى طول