رواية قلب مقيد بذكرك
الفصل الاول1
بقلم فدوي خالد
– قدامك حلين الأول أنك تتجوزي ابني و تحافظي على شركتك و التاني أنك تخسري كل حاجة و …..- على فكرة أنا معايا فلوس و أقدر….
قاطعها:- هش..هش و دي حاجة تفوتني مش هتعرفي تبيعي الارض بتاعة والدك و دة لأسباب كتير و منها مثلا أني أقدر أوقف كل حاجة بمكالمة تليفون.
ضحكت بسخرية:- أنتَ بتستهون بيا شكلك.- تؤ..تؤ الحل فى إيدك و تقدري تصلحي ابني.و بصيلها بكل هدوء:- ربنا يعلم بس أنا اعتبرتك بنتي ازاي بس فعلا أنا محتاج مساعدتك، محدش عرف يقف قدامه غيرك، محدش عرف و قدر أنه يغيره و ينزله الشغل و لو لحاجة بسيطة غيرك، هعملك كل حاجة أنتِ عوزاها و حتى لو فيها ثروتي كلها بس يرجع.
– بس أنا مبتهددش.- أنا مهددتكيش، أنا عرضت رأيي ممكن شوية كان فيه إجبار بس أنتِ عارفة أن دي مش طريقتي.- بس دة حرام أنتَ عارف أن أنا من أيام الكلية و أنا ببني فيها و بتعبي و شقايا عشان أثبت نفسي لية تعمل فيا كدة عشان احتجت شوية فلوس، لية توقف حالي و فلوسي سيبني فى حالي.
قعد على المكتب و هو بيعيط:- ابني هيروح مني يا ألارا، مش عارف أعمل حاجة أنا زي العاحز قدامه، كل يوم يلومني على فكرة وفاة والدته أنا مكنش ليا سبب و الله، طب هعمل أي قوليلي أنا هعمل أي ذنبي أنا.
قربت منه و هى بتحاول تهديه:- أهدى يا بشمهندس، أهدى.رفع راسه ليها بترجي:- ارجوكي، مفيش أمل غيرك.حطت إيدها عليه و طلعت من المكتب، الوضع بيزداد سوء هى بين خيارين الاول تختار حياتها المستقلة و التاني تختار حياتها الشخصية، حست بشخص جيه قعد جمبها فردت من غير تبصله:- والدك فوق و مش قادرة اتخانق النهاردة.
ضحك بسخرية:شلبي بيتكلم يا ناس، جرا اي يا حلوة أنتِ نسيتي نفسك.
بصيتله بطرف عينها و هى بتقول:- قولتلك مش قادرة أتكلم سيبني.
بصيلها لوهلة و هو بيقول:- الموضوع شكله جد ولا أي مالك.
ضحكت بسخرية:- بشمهندس حازم بنفسه بيسأل لا دا كتر خيرك و الله.
– تصدقي أني غلطان أني جيت سألت.- من ناحية الغلط فمفيش غيرك غلطان هنا.مشي من أدامها و بعدين رجع و هو بيقول:- لازم أعرف بردوة شلبي زعلان ليه؟- تعمل أي لو الدنيا جت عليك؟
قالتها بشرود و قعد هو جمبها و هو بيقول:- الدنيا جاية علينا كلنا، مفيش قصة بشر مفيهاش مشاكل بالعكس لازم كل الناس يبقى عندها مشاكل و لازم دايما يبقى عندك حل ليها أنا مثلا بعيش فى دوامة لحد دلوقتي مش عارف أخرج منها.خلص كلتمة و هو بيفتح موبايله و بيبص لصورة الطفل الصغير الي مامته حضناه.
No comment