ساره /الحمد لله على رجعتك بالسلامه يا على
على/ تسلمى يا ساره
صفيه /إزيك يا ولدى كيف تهملنا الغربه دى كلها
على/ واللهى كنت مضر يا مرت عمى بسي الحمد لله نقلت شغلى هنا فى المستشفى ومش حسافر تانى
سامح /عاوز أقولكم حاجه أن فرح على و ساره حيكون السبوع الجاي ايه رأيك يا ساره انت وعلى
على/ بفرحه فساره هى حب عمره واللهى يا أبوي أنا كنت عايزه يبقى أسرع من كده بسي يلا
سامح إيه رأيك يا بتى
ساره/ وهى محرجه من نظرات الجميع إليها الرأى رأيك انت وأبوى يا عمى
محمد/ بفرحه على بركه الله يا خوي يبقى السبوع الجاي الفرح إنشاء الله
(تسريع أحداث )
مر الأسبوع واليوم هو فرح ساره وعلى
وأقيمت الذبائح وكن يرقصن الرجال بالعصا الصعيديه
وكان يمتلئ القصر بالضجه وقد حضرت النساء إلى القصر كعادة الافراح الصعيديه فهم يزيدو البهجه وهن يغنين الاغانى الصعيديه يا على قل الطرحه دى ساره أول فرحه يا بت دوسى على المسدس دوسى على لما شافك قال يا حلال يا فلوسى وكن يرقصن
فكان كل من فى القصر سعداء
على /بصوت عالى قوموا أنتو الاتنين بقى النهارده يبقى فرحى وأنتم لحد دلوقتي نيمين
خالد /سيبنى أنام شويه يا على
محمود/ وأنا كمان
على /قوموا أخلصوا ومش عايز ولا كلمه كفايه لحد كده نوم
محمود / على أساس أننا عرفنا ننام ده لحد الفجر الحريم شغاله تزغرد وتغنى وترقص نوم ايه الى شوفناه ده
(فى المساء )
تنزل ساره من الأعلى فكم كانت جميله بالفستان الأبيض وقليل من الميكب وكانت بجانبها ياسمين التى لم تقل جمالا عن ساره بفستانها الاحمر
يا تري ايه الى حيحصل وحيخلى فرحة ياسمين تختفى والعيله كلها تتدمر وهل الفرح حيكتمل ولا لا
ألتفت الجميع إلى ساره وياسمين وكانوا مزهولين من جمالهم فجمالهم كان حد الفتنه
تقدم على وأمسك بيد ساره
على/ الف مبروك يا قلبى تعرفى أنتى طالعه جميله قوى النهارده حتى أنى نفسيى أخبيكى من عيون كل الى قاعدين
أكتفت ساره بابتسامه لعلى بنظره خجل
فى أحد جوانب القصر كان يقف سامح وأخوه محمد
سامح /مش عارفه ليه يا محمد قلبى مش مستريح وعماله تيجى فى دماغى أفكار ربنا يكفينا شرها
محمد /عارف قصدك يا خوى خايف لنعيد الماضى تانى وإن محمدين ليعمل حاجه كده ولا كده ده وأنا
زيك ياخوى وبقول عمره ما حيسكت على قتل ولده الكبير فى يوم فرحه وخايف ليقلبها لتار يغرق في دم ناس من غير ذنب
سامح/ بس يا محمد أنت عارف أن مهران أخونا مقتلش ولده بسي فى حد هو الى وقع ما بينا علشان كنا أنا ومحمدين أكتر من صحاب يلا الحمد لله لحقنا وهربنا مهران لمصر قبل ما رجاله محمدين كانوا قتلوه
محمد /ربنا يجازى الى كان السبب واللهى متفقدله كتير وعنيا بتدمع لما أفتكره ياتري حاله ايه فى مصر
سامح/ متخافش عليه يا محمد انا كنت باعت واحد يجبلى اخباره من مصر وهو قالى أن مهران عيشته
هو وعياله تمام حتى قالى انو معاه شركه كبيره قوى
محمد/ الحمد لله طمنت قلبى يا سامح أخوي ربنا يجمعنا بيه على خير
فى مكان مجهول
المجهول 1/ كله تمام وأنى الى اتفقنا عليه حيحصول النهارده
المجهول 2/أكيد يا بوي دول قتلو أخوي وهو عريس غيرة مهران علشان أخوي كان أحسن منه فى كل حاجه خلته يطخه بالمسدس وهو لسا مخلص كتب كتابه واللهى ما حرحم حد فيهم لا كبير ولا صغير
المجهول 1/ اه يا ولدى قلبى كان حيقف لما شاف أخوك غرقان بدمه يوم فرحه
فى القصر الكبير
وسط فرحة الجميع والزغاريد المتواصله من النساء وضجه الموسيقى و الأغانى
محمد/ يلا يا خوي المأذون جه
سامح/ ربنا يتمملهم على خير ويكمل سعادتهم
وما إن أنتهى المأذون من كلامه قائلا
(بارك الله لكما وبارك عليكما وجمع بينكما في خير ) حتى امتلىء الكان بالفرحه والتهنئة والدعاء لعلى وساره
صفية/ مبروك يا حبايبى وعقبال ما شوف عيالكم