وضعت يدها علي صدرها حتي تلتق أنفسها لتردف بضيق:
_أنت ميتاخدش منك لا حق ولا باطل.
رفع حاجبية ليهمس بجوار آذنيها:
_وأميرتي عايزة تأخد حق ولا باطل ليه….
صرخت به بتحذير:
_خـالـد…..
قرص خصرها ليقول بتحذير:
_ساره… صوتك أخر مره هقولك كده.
وضعت يدها علي خصرها لتقول بضيق:
_طبعاً خالد بيه يصرخ، يزعق، يجعر ، يعمل اللي هو عاوزه براحته محدش ليه دعوة، لكن أنا مجرد ما أعلي صوتي ساره صوتك، أنت حتي مبتكلفش نفسك وتقولي إنك طالع ولا بتقولي حاجه عايشين مع بعض زي اتنين غرب، طبيعي اي واحدة متجوزه بتبقي عارفة جوزها شغال إي شخصيتة ازاي عارفة كل حاجه عنه بينما أنا معرفش غير خالد كرم بس وضابط ومعرفش حتي ضابط إي كيس جوافة أنا.
أبتسم بهدوء ليردف بسخرية:
_وعلي كده قبل ما أخرج اخد الاذن منك ولا إيه.
أجابته بتصحيح:
_مش كده يا خالد بس يعني شاركني حياتك فهمني أنا معرفش عنك حاجه، أنا بخاف انزل تحت مع عائلتك ساعدني اتجاوز الخطوة دي أنا من اول ما جيت قاعده في الجناح ولما بتيجي بعقد معاك أنت علطول بره، يدوب بشوفك كل فين وفين حتي لما كنا في بيتنا كده بس علي الأقل كنت بقدر اتحرك براحتي،
هنا مش بقدر حاسه حريتى متقيده جدتك من أول يوم وهيا بتبصلي نظرات مش فاهمها من أول يوم…
لتقول دون قصد:
_ده حتي أعلنت عليا الحرب من أول كام يوم، هيا اللي عملت…
نظرت له بصدمه كادت ان تخبره بكل شيء
نظر لها خالد بأنصات ليقول بتحذير:
_ده حتي… عملت إي.
ازاحت خصلات شعرها خلف آذنيها بتوتر:
_معملتش حاجه أنا أتلبخت في الكلام بس.
قال خالد بجدية:
_سارة في إيه، قولي كوثر عملت إي.
نظرت للأسفل وهيا تعبث بأزار قميصه لتردف بتوتر:
_مفيش حاجه يا خالد.
كادت بأن تبتعد لتجد نفسها محاصره بين الحائط وذراعيه أقترب منها ليردف بفحيح كالافاعي:
_سارة أنتِ لو مقولتيش مخبيه إيه، وإيه وقعك فحمام السباحة هتصرف معاكي بأسلوب مش هيعجبك.
حاولت أزحته بيدها الضعيفة، بينما هو كالحائط لم يهتز.
_أنتِ مصرة تخرجي أسوء ما فيا مش هتهربي مني زي كل مره ولا هسيبك علي راحتك، هتتكلمي ولاء تشوفي الوش التاني..
قالها خالد بغصب طفيف.
أجابته ساره بشجاعة زائفه وهيا تحاول الفرار من بين يدية ولكنه كالصد المنيع: